انت الكلام كلـّـــــــــه

بلادك عنى بعــــيده ***** والشوق بيزيد إليــــك

ياللى سايبنى وحيده ***** وانا فرحتى فى ايديك

محتاجه الحنان منك

بيكوينى البعاد عنك

كان يوم وداعك أسى ***** مكتوب لى حزن جديد

هـو انت رح تتـنسـَى ***** مهمـــا فضلت بعيـــــد

وكل ما اقول ح ترجع

الخطوه بيـّـنا بتوســــع

لا دموعى ح ترجّـعك ***** ولا الندا ح يفيــــد

دايوم ما كنت باودعك ***** انتحرت المواعيــد

أصبح لقاك الأمـــــــل

طب قوللى ايه العمـــل

بقيت أنا فى حيـــــــره ***** والفكر بــيك مشغــول

ولا قادره أجيب سيــره ***** ولمين سواك رح أقول

ماهو انت قلبى وروحى

وسر فرحى وجروحـــى

انت الكلام كلـّـــــــــه ***** والعمـــر والأيـــــــــام

وانت الهنــــــا وظلــه ***** والفرحه والأحــــــــلام

يا ريتنى فى خيـــالك

واخطر علــــى بــالك

كفاياك بعاد عنـــّــــى ***** بُعـــدك مجننـّــــــــى

خليك قريــــــب ِمــنـّى ***** ارجـــــع و طـمـنـّى

وأنا قلبـــى ليك مفتوح

علشــان حبــيب الروح

*********************
*******

جميل جدا
مشكوووووووووور